काठमाण्डौं । नोबल कोरोना भाइरस (कोभिड–१९)बाट आज थप ३१२ जनामा संक्रमण पुष्टी भएको छ । देशको विभिन्न प्रयोगशालामा ८ हजार ६९३ जनाको नमूना परिक्षणका क्रममा बुृधबार थप ३१२ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
बुधबार संक्रमण देखिएका मध्ये ५ हजार १०३ जनाको पिसिआर गर्दा २५६ जना र ३ हजार ५९० जनाको एन्टिजेन परिक्षण गर्दा ५६ जनामा संक्रमण देखिएको हो । योसंगै संक्रमित हुनेको संख्या ११ लाख १५ हजार ३३२ जना पुगेको छ ।
बुधबार नै देशैभर थप ९११ जनाले कोरोना जित्न सफल भएका छन् । योसंगै कोरोना जित्नेको संख्या ९ लाख ५४ हजार ३४१ जना पुगेका छन् ।
त्यस्तै गरी, पछिल्लो २४ घण्टामा संक्रमित मध्ये २ जनाको ज्यान गएको छ । योसंगै संक्रमणका कारण ज्यान गुमाउनेको संख्या ११ हजार ९३० जना पुगेको मन्त्रालयले जनाएको छ ।
मन्त्रालयले आज सार्वजनिक गरेको विवरण अनुसार देशैभर १० हजार ९० जना सक्रिय संक्रमत रहेका छन् ।