सुनसरी । तेह्रथुम कारागारमा रहेका श्रीमान र देवरलाई कारागारबाट छुटाई दिन्छु भनी प्रलोभनमा पारी ३३ लाख रुपैयाँ ठगी गर्ने एक ब्यक्तिलाई प्रहरीले पक्राउ गरेको छ । पक्राउ पर्नेमा ईटहरी उपमहानगरपालिका १२ बस्ने मन्दु भनिने जसबहादुर लिम्बु रहेको सुनसरी प्रहरीले जनाएको छ ।
कर्तब्य ज्यान मुद्दामा जिल्ला कारागर तेह्रथुममा रहेका सुरेन्द्र पुरी र वालकृष्ण पुरीलाई थुना मुक्त गराई दिन्छौं भनी थुनुवाका आफन्तसँग लिम्बु र ईटहरी उपमहानगरपालिका १२ बस्ने भरत चौधरीले न्यायाधिस र प्रहरीसँग राम्रो सम्बन्ध रहेको भन्दै दुवै जनालाई छुटाईदिने प्रलोभनमा पारी रकम ठगी गरी फरार भएका थिए ।
प्रहरीमा घटनाको जानकारी पाए लगत्तै उनीहरुको खोजी गर्ने क्रममा ईलाका प्रहरी कार्यालय ईटहरीबाट खटिएको प्रहरीको टोलीले ठगी गर्नेमध्ये लिम्बुलाई पक्राउ गरेको हो ।
हाल फरार भरतको खोजी कार्य भई रहेको र ईलाका प्रहरी कार्यालयले ईटहरीले जनाएको छ ।