काठमाण्डौं । उपत्यकाको ३ जिल्लामा मात्रै सक्रिय संक्रमितको संख्या घट्ने क्रम जारी छ । स्वास्थ्य तथा जनसंख्या मन्त्रालयका अनुसार शुक्रबार सार्वजनिक गरिएको कोरोना परिणाम अनुसार उपत्यकाको ३ जिल्लामा मात्रै ५ हजार ७८५ जना सक्रिय संक्रमित रहेको जनाएको छ ।
मन्त्रालयले शुक्रबार सार्वजनिक गरेको कोरोना चार्ट अनुसार काठमाण्डौंमा ३ हजार ३८६ जना, भक्तपुरमा ५५० जना र ललितपुरमा १ हजार ८४९ जना संक्रमित रहेका छन् ।
नेपालमा शुक्रबारसम्म सक्रिय संक्रमितको संख्या घटेर १४ हजार ४३५ जनामा झरेको छ ।