काठमाण्डौं । नोबल कोरोना भाइरस (कोभिड–१९)बाट आज थप १ हजार १२८ जनामा संक्रमण पुष्टी भएको छ । देशको विभिन्न प्रयोगशालामा २० हजार ९८९ जनाको नमूना परिक्षणका क्रममा शुक्रबार थप १ हजार १२८ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
शुक्रबार संक्रमण देखिएका मध्ये ७ हजार ४४७ जनाको पिसिआर गर्दा ६६६ जना र ३ हजार ५४२ जनाको एन्टिजेन परिक्षण गर्दा ४६२ जनामा संक्रमण देखिएको हो । योसंगै संक्रमित हुनेको संख्या ११ लाख ९ हजार ११४ जना पुगेको छ ।
शुक्रबार नै देशैभर थप २ हजार २१५ जनाले कोरोना जित्न सफल भएका छन् । योसंगै कोरोना जित्नेको संख्या ९ लाख ३२ हजार ८२२ जना पुगेका छन् ।
त्यस्तै गरी, पछिल्लो २४ घण्टामा संक्रमित मध्ये १४ जनाको ज्यान गएको छ । योसंगै संक्रमणका कारण ज्यान गुमाउनेको संख्या ११ हजार ८७८ जना पुगेको मन्त्रालयले जनाएको छ ।
मन्त्रालयले आज सार्वजनिक गरेको विवरण अनुसार देशैभर २७ हजार ४४१ जना सक्रिय संक्रमत रहेका छन् ।
