सिन्धुपाल्चोक । सिन्धुपाल्चोकको बलेफी गाउँपालिका ७ माख्लो गाउँमा आमा र मामालाई हत्या गर्ने युवकलाई प्रहरीले पक्राउ गर्न सफल भएको छ । मादक पदार्थ सेवन गरेर आमा र मामालाई बाँसको भाटा र ढुंगाले प्रहार गरी हत्या गरेको आरोपमा विजय तामाङलाई प्रहरीले पक्राउ गरेको सिन्धुपाल्चोक प्रहरीले जनाएको छ ।
माद पदार्थ खाएर उदण्ड बनेका बियले आइतबार साँझ ७० वर्षीया आमा वासुमाया तामाङ र ५९ वर्षीय मामा सन्तविर तामाङको हत्या गरेको जिल्ला प्रहरी कार्यालय सिन्धुपाल्चोकका नायब उपरीक्षक एवं सूचना अधिकारी दक्षबहादुर बस्नेतले जानकारी दिए ।
स्थानियका अनुसार मामा भान्जा मदिरा सेवन गरेर रमाइलो गरिरहेकै बेला मामा सन्तविरले पारिवारीक कुरा निकालेर विजयलाई ‘त मेरो छोरोहोस’ भन्नासाथ धकेलाधकेल हुन थालेको र विजयले कुट्दै र लखेट्दै सडकमा पुरयाएर त्यही रहेको बाँसको भाटा र ढुंगाले हिर्काएर हत्या गरेका थिए । त्यही रिसमा विजयले आमालाई पनि भाटाले हिर्काएर मारेर भागेका थिए ।
घटना लगत्तै नजिकै रहेको जंगलमा लुकेर बसेका बिजयलाई प्रहरीले नियन्त्रणमा लिएको प्रहरीले जनाएको छ । प्रनाउ बस्नेतका अनुसार प्रारम्भिक अनुसन्धानका क्रममा मादक पदार्थले मातेका मामाले अपाच्य कुरा बोलेका कारण दुखद घटना घटेको अनुमान गरेका छन् ।