गोरखा । गोरखाको विभिन्न ६ वटा स्थानिय तहले बिद्युत रोयल्टी बापत ३ करोड भन्दा बढी रकम पाएका छन् । गोरखा र पालुङटार नगरपालिकाका साथै बारपाक सुलिकोट, अजिरकोट, सिरानचोक र शहिद लखन गाउँपालिकाले बिद्युत रोयल्टी बापत ३ करोड ५ लाख ९५ हजार ३३ रुपैयाँ रोयल्टी पाएका छन् ।
महालेखा नियन्त्रकको कार्यालयका अनुसार सबैभन्दा धेरै गोरखा नगरपालिका बिद्युत रोयल्टी पाएको छ । गोरखा नगरपालिकाले १ करोड ४७ लाख ६६ हजार ६७० रुपैयाँ पाएको हो ।
जिल्लाकै पालुङटार नगरपालिकाले भने १ करोड ८ लाख २३ हजार ३३१ रुपैयाँ पाएको कार्यालयले जनाएको छ । आर्थिक बर्ष ०७७÷०७८ मा बिद्युत रोयल्टी पाउने शहिद लखन गाउँपालिकाले ३७ लाख २५ हजार ११० रुपैयाँ पाएको छ ।
त्यस्तै गरी, अजिरकोट गाउँपालिकाले ७ लाख ३ हजार ३५३ रुपैयाँ, बारपाक सुलिकोट गाउँपालिकाले ५ लाख ८ हजार ७८४ रुपैयाँ र सिरानचोक गाउँपालिकाले ६७ हजार ७८५ रुपैयाँ पाएको महालेखा नियन्त्रकको कार्यालयले जनाएको छ ।