काठमाण्डौं । नोबल कोरोना भाइरस (कोभिड–१९)बाट आज देशभर ३ हजार १७५ जनामा संक्रमण पुष्टी भएको छ । देशैभर १२ हजार ६०५ जनाको नमूना परिक्षण गर्दा थप ३ हजार १७५ जनामा संक्रमण पुष्टी भएको स्वास्थ्य तथा जनसंख्या मन्त्रालयले पुष्टी गरेकोे हो ।
बिहीबार संक्रमण देखिएका मध्ये १० हजार २६ जनाको पिसिआर परिक्षणमा २ हजार ७४२ जना र २ हजार ५७९ जनाको एन्टिजेन परिक्षणमा ४३३ जनामा संक्रमण देखिएको हो । योसंगै संक्रमितहरुको संख्या १० लाख ९५ हजार ६३ जना पुगेको छ ।
बिहीबार नै थप ८ हजार ७२३ जनाले कोरोना जित्न सफल भएका छन् । योसंगै कोरोना जित्नेको संख्या ८ लाख ८७ हजार ४४३ जना पुगेका छन् ।
त्यस्तै गरी, पछिल्लो २४ घण्टामा संक्रमित मध्ये १४ जनाको ज्यान गएको छ । योसंगै संक्रमणका कारण ज्यान गुमाउनेको संख्या ११ हजार ७७८ जना पुगेका मन्त्रालयले जनाएको छ ।
मन्त्रालयले आज सार्वजनिक गरेको विवरण अनुसार देशैभर सक्रिय संक्रमितको संख्या ६३ हजार २९६ जनामा झरेको छ ।
