पर्सा । वीरगंज महानगरपालिका १५ भिष्वा चोकमा पर्किङ गरी राखेको प्रदेश २–०३–०१२ प ५८६ नम्बरको मोटरसाइकल चोरी गरी भाग्दै गरेको अवस्थामा सोही महानगरपालिका २ बस्ने २० वर्षीय मोहमद अलीलाई मंगलबार राति प्रहरीले पक्राउ गर्न सफल भएको छ ।
बारा फेटा गाउँपालिका ३ बस्ने ३१ वर्षीय नरेशप्रसाद साहको उक्त मोटरसाइकल पार्किङ गरी राखेकोमा अलीले लक तोडी चोरी गरेर भाग्दै गरेको अवस्थामा प्रहरी चौकी भिष्वाडाडाँबाट खटिएको प्रहरीको टोलीले फेला पारी अलीलाई पक्राउ गरेको पर्सा प्रहरीले जनाएको छ ।
पक्राउ परेका अली उपर चोरी सम्बन्धी कसूरमा मुद्वा गरी थप अनुसन्धान भइरहेको जिल्ला प्रहरी कार्यालय पर्साले जनाएको छ ।
