काठमाण्डौं । नोबल कोरोना भाइरस (कोभिड–१९)बाट आज देशैभर ५ हजार २९२ जनामा संक्रमण पुष्टी भएको छ । विभिन्न प्रयोगशालामा १८ हजार ८८ जनाको नमूना परिक्षणका क्रममा सोमबार ५ हजार २९२ जनामा संक्रमण पुष्टी भएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिएका मध्ये १० हजार ३६८ जनाको पीसीआर गर्दा ३ हजार ४७२ जना र ५ हजार ७२० जनाको एन्टिजेन परिक्षण गदा १ हजार ८२० जनामा संक्रमण देखिएको छ । योसंगै संक्रमितहरुको कुल संख्या १० लाख ८२ हजार ६६८ जना पुगेको छ ।
सोमबार नै थप ८ हजार १९१ जनाले कोरोना जित्न सफल भएका छन् । योसंगै कोरोना जित्नेको संख्या ८ लाख ६२ हजार ८९८ जना पुगेका छन् ।
पछिल्लो २४ घण्टामा संक्रमित मध्ये ८ जनाको ज्यान गएको छ । योसंगै संक्रमणका कारण ज्यान गुमाउनेको संख्या ११ हजार ७४३ जना पुगेको छ ।
मन्त्रालयले आज सार्वजनिक गरेको विवरण अनुसार देशैभर ७९ हजार २७२ जना सक्रिय संक्रमित रहेका छन् ।
