पोखरा । आहा रारा गोल्डकप फुटबल प्रतियोगिताको तेस्रो क्वार्टरफाइनल अन्तरर्गत आज मछिन्द्र फुटबल क्लब र संकटा क्लब बीच प्रतिस्पर्धा हुँदै छ ।
पोखरा रंगशालामा हुने खेल दिउँसो २ः३० बजेदेखी मछिन्द्र फुटबल क्लब र संकटा क्लब बीच प्रतिस्पर्धा हुनेछ ।
आहा रारा गोल्डकपको साविक विजेता संकटाले ए डिभिजन लिगको शीर्ष स्थानको टोलीसँग खेल्न लागेको हो ।
लिगमा अपराजित रहेको मछिन्द्र अंक तालिकाको शीर्ष स्थानमा छ । नवौँ चरणमा थ्रीस्टारसँग पराजित संकटा भने पाँचौँ स्थानमा छ ।
आजको खेलको विजेताले फाइनल प्रवेशका लागि नेपाल एपीएफ फुटबल क्लबको सामना गर्नेछ ।
प्रतियोगिताको विजेताले १० लाख १ हजार रुपैयाँ तथा उपविजेता टोलीले ५ लाख १ हजार रुपैयाँ प्राप्त गर्नेछन् ।
