काठमाण्डौं । नेपाल आयल निगमले घाटा पुर्ति गर्ने भन्दै पुनःआजदेखी लागु हुने गरी पेट्रोलियम पदार्थमा मुल्यवृद्धि गरेको छ । निगमले बुधवार साँझ पेट्रोलियम पदार्थको मुल्य पुनः बढाएको हो ।
निगमले इन्डियन आयल कर्पोरेशनबाट प्राप्त नयाँ मूल्य अनुसारको घाटा समायोजनका लागि भन्दै निगमले भाउ बढाएको हो । निगमका अनुसार पेट्रोल, डिजेल र मट्टीतेलको साविक मूल्यमा ३ रुपैयाँ बढाइएको छ । अब पेट्रोल प्रतिलिटिर १३९ रुपैयाँ पुगेको छ । डिजेल १२२ रुपैयाँ भएको छ ।
यस्तै, आन्तरिक हवाइ इन्धनतर्फ प्रतिलिटर ५ रुपैयाँ बढाइएको छ । समायोजित मूल्य अनुसार प्रतिलिटर १०६ रुपैयाँ पुगेको छ ।
अन्तर्राष्ट्रिय हवाइ इन्धनको मूल्य प्रति किलोलिटर १०० अमेरिकी डलर बढाइएको छ । नयाँ मूल्य ९९५ अमेरिकी डलर पुगेको छ।
