रोल्पा । रोल्पाको झिरवाङमा आफ्नै श्रीमानलाई ढुङ्गाले हानेर हत्या गरेको अभियोगमा १ महिलालाई रोल्पा प्रहरीले पक्राउ गरेको छ ।
सुनछहरी गाउँपालिका ६ झिरवाङ वस्ने ४१ वर्षीया मिना पुन मगरले आफ्नो श्रीमान ४५ वर्षीय काले पुन मगरलाई ढुङ्गा प्रहार गरी हत्या गरेको अभियोगमा प्रहरीले मिनालाई पक्राउ गरेको रोल्पा प्रहरीले जनाएको छ ।
मिनाले आफ्नै श्रीमानलाई ढुङ्गा प्रहार गरी हत्या गरेको खबर स्थानियले प्रहरीलाई दिए पछि प्रहरी चौकी जेलवाङबाट खटिएको प्रहरीको टोलीले उनलाई पक्राउ गरेको हो ।
घटना के कसरी भएको हो भन्ने बारेमा रोल्पा प्रहरीले अनुसन्धान थालेको जनाएको छ ।