साँकेतिक तस्बिर
कपिलवस्तु । कपिलबस्तु नगरपालिका ९ हर्नामपुरबाट स्रोत नखुलेको करिब ३६ लाख रुपैयाँ सहित १ युवकलाई प्रहरीले पक्राउ गरेको छ । पक्राउ पर्नेमा हर्नामपुर बस्ने ३९ बर्षिय चेतन खटिक भन्ने ३९ रामबहादुर खटिकलाई प्रहरीले पक्राउ गरेको हो ।
प्रहरीलाई खटिकको घरमा अबैध लागूऔषधको कारोबार भई रहेको भन्ने सुचनाको आधारमा प्रहरीले छापा मार्दा स्रोत नखुलेको ३२ लाख ८९ हजार १५० नेपाली रुपैयाँ र १ लाख ८५ हजार ४० भारतीय रुपैयाँ सहित प्रहरीको टोलीले उनलाई पक्राउ गरेको कपिलबस्तु प्रहरीले जनाएको छ ।
उनलाई ईलाका प्रहरी कार्यालय पिपराबाट खटिएको प्रहरीको टोलीले नगद र विभिन्न कम्पनीका १६ थान मोबाइल फोन सहित पक्राउ गरेको प्रहरीले जनाएको छ ।
बरामद गरिएको रकम को बारेमा प्रहरीले आवश्यक अनुसन्धान गरिरहेको जनाएको छ ।