काठमाण्डौं । आज दिउसो ३ बजेदेखी ४ लाख भन्दा बढी सवारी चालकको अनुमतिपत्र (लाइसेन्स) छपाइको काम हुदै छ । कार्ड आइपुगेको करिब १ महिनापछि यातायात व्यवस्था विभागले भौतिक पूर्वाधार तथा यातायात मन्त्री रेणुकुमारी यादवको उपस्थितिमा मंगलवार दिउँसो ३ बजेबाट छपाइ सुरु गर्न लागेको हो ।
कार्डको फ्रान्समा गुणस्तर मापन भए संगै आजबाट छपाइको काम थाल्न लागेको विभागले जनाएको छ । मंसिर पहिलो साता १४ लाख स्मार्ट कार्ड आएको पनि विभागले जनाएको छ ।
विभागका निर्देशक डा.लोकनाथ भुषालका अनुसार तीन सिफ्टमा लाइसेन्स छाप्ने काम हुन लागेको जानकारी दिए । उनका अनुसार विभागसँग रहेको मास प्रिन्टरले प्रति मिनेट ४ वटा कार्ड छाप्न सक्छ भने साना मेसिनले दिनमा १ हजार प्रति कार्ड छाप्छ सक्ने छ ।
आजदेखी दैनिक ८ हजारका दरले कार्ड छाप्ने काम हुने विभागले जनाएको छ । विभागले दिएको जानकारी अनुसार अबको ३ महिनामा सबैले लाइसेन्स पाउने छन् ।
