सुर्खेत । सुर्खेतमा परपुरुष संग लागेको भन्दै कुटपिट गरेर श्रीमानले श्रीमतीको हत्या गरेको छ । जिल्लाको गुर्भाकोटका १३ भक्तपुरका ७१ वर्षिया भीमबहादुर परियारले ६९ वर्षीया श्रीमति गौमाया परिवारलाई पर पुरुष संग लागेको आरोप लगाउदै कुटपिट गर्दा मृत्यु भएको सुर्खेत प्रहरीले जानकारी दिएको हो ।
भीमबहादुरले श्रीमती गौमायाँलाई परपुरुषसँग लागेको आरोपमा लगाउदै चिर्पट र मसला पिस्ने लोहोरोले हिर्काउँदा गौमायाको मृत्यु भएको सुर्खेतका एसपी पदमबहादुर विष्टले जानकारी दिए ।
भिमबहादुरले मंगलबार साँझ नै श्रीमतीको हत्या गरेका थिए । गौमायाको घटनास्थलमै मृत्यु भएको प्रहरीले जनाएको छ ।
स्थानीयले घटनाको बारेमा जानकारी दिए पछि इलाका प्रहरी कार्यालय छिन्चुबाट खटिएको प्रहरीको टोलीले भिमलाई बुधबार पक्राउ गरेको हो ।