गोरखा । गोरखा सदरमुकाममा पहिलो पटक सुविधा सम्पन्न होटल सञ्चालनमा आएको छ । गोरखा नगरपालिका ६ को अर्घलेमा निर्माण सम्पन्न भएको सुविधा सम्पन्न होटल गोरखा गार्डेन सञ्चालनमा आएको हो ।
२०७४ साल मंसिर १४ गते शिलान्यास गरेको भवन हालै सम्पन्न भए पछि सञ्चालनमा ल्याईएको अपरेशन म्यानेजर रमेश सापकोटाले जानकारी दिए । १५ रोपनी क्षेत्रफलमा फैलिएको यो होटल गोरखाकै पहिलो सुविधा सम्पन्न र स्तरय होटल हो ।
३ तारे स्तरको सुविधा भएको उत्त होटलले ग्राहकको सुविधाकोलागी विभिन्न कार्यक्रम तथा सेमिनारको लागी ४ वटा अत्याधुनिक सभाहल तथा ४६ वटा स्तरीय कोठा सहित सञ्चालनमा ल्याएको हो । ‘हामीले ग्राहकको सुविधालाई ध्यानमा राखेर २ वटा स्विट रुम, १० वटा सुपर डिलक्स ३४ वटा डिलक्स रुम सञ्चालनमा ल्याएका छौ’ अपरेशन म्यानेजर सापकोटाले बताए ।
होटलले ग्राहककै सुविधाकोलागी भन्दै छैठौं तलामा बच्चा र बयश्ककालागी पौडी पोखरी समेत निर्माण गरेको छ ।
होटलमा बस्न आउनेहरुले स्वादिष्ट, हाईजिनिक, अर्गानिक तथा उच्च गुणस्तर एवं स्वस्थ्यकर खाना खान पाउनुका साथै जिल्लाको आन्तरिक तथा बाह्य पर्यटकलाई लक्षित गरी होटल निर्माण गरिएको सञ्चालक समितिका सदस्य केशव देवकोटाले जानकारी दिए । उनका अनुसार होटल निर्माणमा ५० करोड रुपैयाँ खर्चिएको समेत जानकारी दिए ।
अहिले आंशकि रुपमा सञ्चालनमा आएको होटलले पौष महिना भित्रै पूर्ण सञ्चालनमा ल्याउने तयारी गरेको छ ।
होटल भित्र बनेको सुविधा सम्पन्न सभाहरुको नाम भने गोरखकाली, गोरखनाथ, लिगलिगकाेट र मनकामना हल नामाकरण गरिएको छ ।
