सिन्धुली । तिन दर्जन मुद्दामा करिब १३० बर्ष जेल सजाय र २९ लाख बरावर जरिवाना गरिका फरार अपराधी तिनपाटन गाउँपालिका १ बस्ने मगर कान्छा भन्ने मेषबहादुर थापालाई प्रहरीले पक्राउ गर्न सफला भएको छ ।
जिल्ला अदालत तनहुँको २०७१ वैशाख १७, २०७२ जेठ ४ र जेठ १४ गतेको फैसलाले ६ वटा जबरजस्ती चोरी र १२ वटा डाँका चोरी मुद्दा तथा जिल्ला अदालत सिन्धुलीको विभिन्न १८ वटा मुद्दामा गरी जम्मा १ सय २९ वर्ष ७ महिना १५ दिन कैद र १४ लाख ८३ हजार ३४७ रुपैयाँ जरिवाना ठहर भई फरार रहेका थापालाई जिल्ला प्रहरी कार्यालय सिन्धुलीबाट खटिएको प्रहरीको टोलीले उनकै घरबाट पक्राउ गरेको हो सिन्धुली प्रहरीले जनाएको छ ।
फैसला कार्यान्वयनका लागि जिल्ला अदालत सिन्धुलीमा पठाइएको जिल्ला प्रहरी कार्यालय सिन्धुलीले जनाएको छ ।
सिन्धुलीको कैद र जरिवाना कार्यान्वयन हुनासाथै थापालाई तनहुँ पठाइने छ ।
