ललितपुर । ललितपुरको कुपन्डोलमा श्रीमती हत्या गरेको आरोपमा श्रीमान पक्राउ परेका छन् ।
ललितपुर प्रहरी परिसरको टोलीले प्राविधिक अनुसन्धानपछि मृतकका श्रीमान ३५ वर्षीय एक्काराज भुजेललाई पक्राउ गरेको हो ।
भुजेलले मंसिर १६ गते कोठामा श्रीमती जानुका मृत भेटिएको भन्दै छिमेकीलाई खबर गरेका थिए । त्यसपछि प्रहरी घटनास्थल पुगेको थियो ।
ललितपुर प्रहरी प्रवक्ता प्रज्वल महर्जनले एक्काराजले श्रीमतीको घाँटीमा सलले कँसेर हत्या गरेको बताए । उनका अनुसार एक्काराज मदिरा सेवन गरी दिउँसो कोठा पुग्दा श्रीमतीले गालामा थप्पड हाने पछी एक्काराम श्रीमतीमाथि जाई लागेको अनुन्धानबाट खुलेको जनाएको छ ।
घटनाका बेला उनीहरुका तीनैजना सन्तान स्कुल गएका थिए । मृतकका १६ वर्षीया छोरी तथा ९ र ६ वर्षका छोरा छन् । भुजेल दम्पत्ती ज्यामी काम गर्दै आएका थिए ।
