साँकेतिक तस्विर
काठमाण्डौं । काठमाण्डौं महानगरपालिका १ दरबारमार्गस्थित बिइङ ह्युमन कपडा पसलबाट स्रोत नखुलेको ६९ लाख ५० हजार रुपैयाँ सहित पसलका मनेजेरलाई प्रहरीले पक्राउ गरेको छ ।
पक्राउ पर्नेमा काठमाण्डौं सामाखुसी बस्ने सर्लाही बरथवा घर भएका २२ वर्षीय होरोसी खनाल रहेको महानगरीय प्रहरी परिसर काठमाण्डौंले जनाएको छ ।
उक्त पसलमा श्रोत नखुलेको रकम ओसार पोसार तथा लुकाई राख्ने गरेको भन्ने सूचनाको आधारमा महानगरीय प्रहरी परिसर काठमाण्डौंबाट खटिएको प्रहरीको टोलीले पसलमा तलासी गर्दा झोलामा राखिएको अवस्थामा १ हजार दरको ४९ लाख रुपैयाँ र ५०० दरको २० लाख ५० हजार रुपैयाँ फेला परेको हो ।
पक्राउ परेका खनाललाई आवश्यक कारवाहीका लागि सम्पत्ती शुद्धिकरण बिभाग पुल्चोक ललितपुर बुझाइएको महानगरी प्रहरी परिषर काठमाण्डौंले जानकारी दिएको छ ।