एजेन्सी । अमेरिकाको न्युर्योकमा नयाँ भेरियन्टको कोरोना भेटिएपछि संकटकाल घोषणा गरिएको छ । न्युयोर्कका गभर्नर काथी होचुलले राज्यभर संकटकाल लागू गरिएको घोषणा गरेका हुन् ।
गर्भनर होचुलले भनेका छन्, ‘पछिल्लो समयमा कोरोनाभाइरसबाट सङ्क्रमित भएर अस्पताल भर्ना हुनेहरुको सङ्ख्या बढेकाले थप महामारी फैलिन नदिनका लागि संकटकाल लगाइएको हो ।’
दक्षिण अफ्रिकामा देखा परेको नयाँ कोरोनाको भेरियन्ट न्युयोर्कमा बढिरहेको र नयाँ भेरियन्ट अझ खतरनाक रहेकाले संककटकाल लगाइएको त्यहाँका अधिकारीहरुले बताएका छन् ।
गर्भनर होचुलले गरेको घोषणा अनुसार आगामी सन् २०२२ को जनवरी १५ सम्म लागू हुने गरि संकटकाल घोषणा गरिएको छ । साथै, त्यस अवधिपछि आवश्यकता अनुसार संकटकाल लम्बिन सक्ने पनि बताइएको छ ।
