काठमाण्डौं । अवैध रक्तचन्दनको तेलको कारोबारमा संलग्न रहेको अभियोगमा राजधानीबाट १० जनालाई प्रहरीले नियन्त्रणमा लिएको छ ।
३३ लिटर रक्तचन्दनको सुगन्धित तेल सहित प्रहरीले काठमाण्डौं बानियाटार बस्ने सिन्धुली हरिहरपुर गाउँपालिका ४ घर भएका ५० वर्षीय हेम कुमार श्रेष्ठ, ललितपुर सानुगाउँ बस्ने मकवानपुर गढी गाउँपालिका १ घर भएका नवीन भन्ने ३९ वर्षीय मंगल सिंह लो, काठमाण्डौं टोखा नगरपालिका ४ बस्ने ३७ वर्षीय ईक्रम श्रेष्ठ, भक्तपुर दुवाकोट बस्ने काभ्रे बनेपा नगरपालिका ४ घर भएका ३१ वर्षीय कार्साङ्ग लामालाई प्रहरीले पक्राउ गरेको हो ।
त्यस्तै गरी काठमाण्डौं महाराजगंज बस्ने खोटाङ हलेसी नगरपालिका ६ घर भएका २३ वर्षीय घनश्याम आले मगर, काठमाण्डौं महानगरपालिका ८ तिलगंगा बस्ने ५१ वर्षीय मदन पोडे, काठमाण्डौं चावहिल बस्ने खोटाङ हलेसी नगरपालिका ९ घर भएका २० वर्षीय जीवन थापा, काठमाण्डौं सामाखुसी बस्ने तनँहु भानू नगरपालिका ६ घर भएका २५ वर्षीय सुदिप थडराई, काठमाण्डौं महानगरपालिका १३ छाउनी घर भएका ५३ वर्षीय अनिल चरण श्रेष्ठ र सोही ठाउँ घर भएका ५१ वर्षीय अनुप कुमार श्रेष्ठलाई प्रहरीले पक्राउ गरेको जनाएकोे छ ।
उनीहरुलाई काठमाण्डौं महानगरपालिका ८ तिलगंगामा रक्तचन्दनको तेल कारोबार भई रहेको सूचनाको आधारमा महानगरीय अपराध महाशाखाबाट खटिएको प्रहरीको टोलीले उनीहरूलाई तेल सहित पक्राउ गरेको हो ।
महानगरीय प्रहरीले दिएको जानकारी अनुसार उनीहरुले प्रति लिटर ५ लाख रुपैयाँका दरले तेलको कारोबार गरीरहेको जानकारी दिएको छ ।
पक्राउ परेका सबैलाई आवश्यक कारवाहीको लागि बन डिभिजन कार्यालय हात्तीसार काठमाण्डौंमा बुझाईएको महाशाखाले जनाएको छ ।