काठमाण्डौं । कप्तान रोहित शर्माको अर्धशतक तथा अक्सर पटेलको ३ विकेटप्रेरित भारतले आइतबार राति न्युजिल्यान्डलाई ७३ रनले हराउँदै ३ खेलको ट्वान्टी–२० अन्तर्राष्ट्रिय शृंखला क्लिन स्विप गरेको छ ।
कोलकाताको इडेन गार्डेनमा टस जितेर ब्याटिङ गरेको भारतले निर्धारित २० ओभरमा ७ विकेट गुमाएर १८४ रन बनाएको थियो । मार्टिन गुप्टिलले ३६ बलमा ५१ रन बनाए पनि १८५ रनको लक्ष्य पछ्याएको न्युजिल्यान्डले १७.२ ओभरमा सबै विकेट गुमाएर १११ रन मात्र बनाउन सकेको थियो ।
यसअघि पनि भारतले पहिलो खेल ५ विकेटले जितेको थियो भने दोस्रो खेलमा ७ विकेटको विजय हासिल गरेको थियो ।
भारतका कप्तान रोहित शर्माले ३१ बलमा ५६ बलमा बनाए । ५ चौका र ३ छक्का प्रहार गरेका रोहितले पहिलो विकेटका लागि इशान किशनसँग ६९ रनको साझेदारी गरेका थिए । इशान किशन २९ रनमा पवेलियन फर्किए । त्यसपछि ब्याटिङमा आएका सुर्यकुमार यादव शून्यमा आउट भए । रिशभ पन्तले चार रन मात्र जोडे ।
न्युजिल्यान्डका मिचेल सन्टनरले तीन विकेट लिए । ट्रेन्ट बोल्ट, एडम मिल्ने, लुकी फर्गुसन र इश सोधीको नाममा १–१ विकेट रह्यो ।
१८५ रनको लक्ष्य पछ्याएको न्युजिल्यान्डका लागि ओपनर गुप्टिलले ५१ र टिम सेइफर्टले १७ रन जोड्नुबाहेक अन्यले दोहोरो अंकमा रन बनाउन सकेनन् । गुप्टिलले ३१ बलमा चार चौका र चार छक्का प्रहार गरे ।
