काठमाण्डौं । सर्वोच्च अदालमा प्रहरीको घेरो तोड्न खोज्दा नेपाल बार एशोसिएसनका अध्यक्ष चण्डेश्वर श्रेष्ठसहित १२ जना घाइते भएका छन् । केही दिनदेखी प्रधान न्याधिश बिरुद्व आन्दोलन गर्दै आएको बारका अध्यक्ष श्रेष्ठ सहितले प्रहरीको सुरक्षा घेरा तोड्ने प्रयास गर्दा घाईते भएका हुन् ।
बिहीबार सर्वोच्च अदालत परिसरमा प्रदर्शनमा उत्रिएका कानून व्यवसायीहरुमाथि प्रहरीले बल प्रयोग गरेको हो । बल प्रयोगबाट घाइते भएका बार अध्यक्ष श्रेष्ठलाई उपचारको लागी अस्पताल लगिएको छ । प्ररीको घेरा तोड्न खोजेपछि कानून व्यवसायीहरुमाथि प्रहरीले बल प्रयोग गरेको थियो ।
प्रहरी र बारका पदाधिकारीहरु बिच धकेलाधकेल हुँदा सर्वोच्च बारका सचिव ऋषिराम घिमिरे, बरिष्ठ अधिवक्ता सविता भण्डारीलगायत केही ब्यक्ति भुइँमा लडेका थिए । सुरक्षामा खटिएका एकजना प्रहरी नायव उपरिक्षकलाई समेत हातमा चोट लागेको छ ।
शान्तिपूर्ण प्रदर्शनमा दमन गरेको भन्दै कानून व्यवसायीहरुले प्रधानन्यायाधीश जबरा र प्रहरी प्रशासनविरुद्ध नाराबाजी गरेका छन् ।
