एजेन्सी । इराकका प्रधानमन्त्री मुस्तफा अल काधिमीको हत्या प्रयास भएको छ । आइतबार बिहानै उनलाई निशाना बनाउँदै ड्रोन आक्रमण भएको हो ।
२ इराकी अधिकारीहरूले एसोसिएटेड प्रेसलाई बग्दादको भारी सुदृढ ग्रीन जोन क्षेत्रमा भएको आक्रमणमा उनका ७ सुरक्षा गार्डहरू घाइते भएको बताएका छन् ।
आक्रमणको लगत्तै प्रधानमन्त्रीले ट्वीटमा भनेका छन्, ‘देशद्रोहको रकेटले वीर सुरक्षा बलहरूको दृढतालाई अलिकति पनि हल्लाउने छैन । म ठीक छु र मेरा परिवारका सदस्यहरू माझ छु । भगवानलाई धन्यवाद ।’
एक विज्ञप्तिमा सरकारले ड्रोनले अल काधिमीको घरमा प्रहार गर्ने प्रयास गरेको र उनी सुरक्षित रहेको बताएको छ । बग्दादका बासिन्दाहरूले विदेशी दूतावासहरू र सरकारी कार्यालयहरू रहेको राजधानीको भारी सुदृढ ग्रीन जोनको दिशाबाट गोली चलेको र पछि विस्फोटको आवाज सुनेको बताएका छन् ।
‘यस असफल प्रयासको सम्बन्धमा सुरक्षा बलहरूले आवश्यक कदम चालिरहेका छन्,’ विज्ञप्तिमा भनिएको छ ।
आक्रमणको पछाडि कसको हात थियो भन्ने स्पष्ट भइसकेको छैन, न त कसैले जिम्मेवारी नै लिएको छ । उक्त आक्रमण इरान समर्थक शिया मिलिशियाहरूले गरेको अनुमान गरिएको छ ।
