पर्सा । वीरगंज महानगरपालिका १६ बाबा होटलको प्यासेजभित्र पार्किङ गरी राखिएको मोटरसाइकल चोरी गरेको आरोपमा ३ जना पक्राउ परेका छन् । बीआर २२ एटी ९३२६ नम्बरको मोटरसाइकल चोरी गरेको आरोपमा प्रहरीले ३ जनालाई पक्राउ गरेको जनाएको छ ।
वीरगंज महानगरपालिका १६ भानुचोकबाट प्रहरीले सोही महानगरपालिका १५ बस्ने २२ वर्षीय कैलाश महत्तो, बारा कलैया उपमहानगरपालिका ४ घर भएका २२ वर्षीय विनयराज शर्मा र फेटा गाउँपालिका ३ घर भएका २० वर्षीय रविन कुमार साह रहेका छन् ।
भारत विहार भटकौल सक्रौल ९ बस्ने ६५ वर्षीय अरुणकुमार चौरसियाले कात्तिक १२ गते उक्त होटलको प्यासेजभित्र पार्किङ गरी राखेको अवस्थामा उक्त मोटरसाइकल चोरी भएको थियो ।
प्रहरीले चोरी भएको उक्त मोटरसाइकलमा बा. ८२ प ६४६० नम्बरको नम्बर प्लेट परिवर्तन गरी चलाइरहेको अवस्थामा फेला पारी उनीहरुलाई पक्राउ गरेको जनाएको छ ।
पक्राउ परेका सबैलाई चोरी सम्बन्धी कसूरमा मुद्वादर्ता गरी अनुसन्धान अगाडि बढाइएको जिल्ला प्रहरी कार्यालय पर्साले जनाएको छ ।
