नेपालगञ्ज । सीता एयरको जहाज धावनमार्गमा बँदेलसँग ठोक्किएको छ । आज बिहान नेपालगञ्ज विमानस्थलबाट हुम्लाको सिमिकोट उड्ने क्रममा जहाज धावनमार्गमा बँदेलसँग ठोक्किएको हो ।
उड्नुअघि धावनमार्गमा गुडिरहेको बेला अचानक बँदेलसँग ठोक्किएपछि विमानमा ठूलो प्वाल परेको नेपालगञ्ज बिमानस्थलले जनाएको छ ।
नाइन एचएएचएबी कलसाइन रहेको विमानमा १४ जना यात्रु र चालकदलका सदस्य थिए । सबै सकुशल रहेका छन् ।
अहिले नेपालगन्ज विमानस्थल बन्द भएको छ र धावनमार्गमा दुर्घटनाग्रस्त विमानलाई क्रेनको सहायताले पार्किङसम्म लाने काम भइरहेको छ ।
