एजेन्सी । स्पेनिस ला लिगा फुटबलमा ग्रानडाको फराकिलो जित भएको छ ।
गएराति भएको खेलमा लेभान्टेलाई ३–० गोल अन्तरले पराजित गरेको हो ।
जीतसँगै ग्रानडा ११ अंकसहित १४ औं स्थानमा रहेको छ भने लेभान्टे ६ अंकसहित पुछारबाट दोस्रो स्थानमा रहेको छ ।
लेभान्टको मैदानमा ग्रानडाले पहिलो हाफमा २ तथा दोस्रो हाफमा १ गोल गरेको थियो ।
जर्मेन सान्सेजले सातौं मिनेटमा गोल गर्दै ग्रानडालाई अग्रता दिलाएका थिए ।
३८ औं मिनेटमा लुईस जेभियर सुवारेजले गोल गर्दै अग्रता दोब्बर बनाए ।
६९ औं मिनेटमा एन्टोनियो जोसे रोड्रिगेजले गोल गरेपछि ग्रानडा ३–० गोलको फराकिलो अन्तरले विजयी हुन पुग्यो ।
ला लिगा अन्तर्गतकै अर्को खेलमा रायो भालकानो र सेल्टाभिगोले गोलरहित बराबरी खेलेका छन् ।
रायो भालकानो २० अंकसहित छैटौं स्थानमा रहेको छ भने सेल्टाभिगो ११ अंकसहित १५ औं स्थानमा छ ।