काठमाण्डौं । नोबल कोरोना भाइरस (कोभिड–१९)बाट आज थप ५३३ जनामा संक्रमण पुष्टी भएको छ ।
पछिल्लो २४ घण्टामा देशको विभिन्न प्रयोगशालामा गरिएको ११ हजार ६६४ जनाको नमूना परिक्षणका क्रममा सोमबार ५३३ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ७ हजार ४६८ जनाको पीसीआर गर्दा ४४१ जना र ४ हजार १९६ जनाको एन्टिजेन परिक्षण गर्दा ९२ जनामा संक्रमण देखिएको छ । योसहित नेपालमा संक्रमितको संख्या ९ लाख ७ हजार ६३८ जना पुगेका छन् ।
सोमबार नै थप ४९० जनाले कोरोना जित्न सफल भएका छन् । योसहित कोरोना जित्नेको संख्या ७ लाख ९२ हजार २७७ जना पुगेको छ ।
त्यस्तै गरी पछिल्लो २४ घण्टामा संक्रमित मध्ये ९ जनाले ज्यान गुमाएका छन् । योसहित संक्रमण भएका मध्ये ११ हजार ४१६ जनाको ज्यान गएको छ ।
मन्त्रालयका अनुसार देशैभर ९ हजार ३१८ जना सक्रिय संक्रमित रहेका छन् ।
