काठमाण्डौं । यूएईमा जारी टी ट्वान्टी विश्वकप क्रिकेट प्रतियोगितामा भारतले लगातार दोस्रोपटक हार ब्यहोरेको छ ।
सुपर १२ अन्तर्गत आइतबार भएको खेलमा भारतलाई न्युजिल्यान्डले ८ विकेटले हराएको हो ।
यो जितसँगै सुपर १२ समूह २ मा रहेको न्युजिल्यान्डले सेमिफाइनल पुग्ने सम्भावनालाई बलियो बनाएको छ । पराजित भारत भने समूह चरणबाटै बाहिरिने सम्भावना बढेर गएको छ ।
कुन देश कुन स्थानमा ?
सुपर १२ समूह २ मा पाकिस्तान – ३ खेलमा सबैमा जित, शीर्ष स्थानमा।
अफगानिस्तान – ३ खेलमा २ मा जित र १ मा हार, दोस्रो स्थानमा ।
न्युजिल्यान्ड – २ खेलमा १ मा जित र १ मा हार, तेस्रो स्थानमा ।
नामिबिया – २ खेलमा १ मा जित र १ मा हार, चौथो स्थानमा ।
समान २ खेल खेलेका भारत र स्कटल्यान्ड – अंकविहीन, क्रमशः पाँचौं र छैटौं स्थानमा ।
सुपर १२ समूह १ मा इंग्ल्यान्ड – ३ खेलमा सबै जित, ६ अंकसहित शीर्षस्थानमा ।
अस्ट्रेलिया – ३ खेलमा २ मा जित र १ मा हार, ४ अंकसहित दोस्रो स्थानमा ।
दक्षिण अफ्रिका – ३ खेलमा २ मा जित र १ मा हार, समान ४ अंक भए पनि नेटरनरेटका आधारमा तेस्रो स्थानमा ।
श्रीलंका – ३ खेलमा १ मा जित र २ मा हार, चौथो स्थानमा ।
वेस्टइन्डिज – ३ खेलमा १ मा जित र २ मा हार, पाँचौ स्थानमा ।
बंगलादेश – ३ खेलमा सबैमा हार, अन्तिममा ।
