काठमाण्डौँ । प्रधानन्यायाधीश चोलेन्द्रशमशेर जबराको राजीनामा माग गर्दै नेपाल बार एसोसिएसनमा आबद्ध कानुन व्यवसायीले सर्वोच्च अदालतमा धर्ना दिन सुरु गरेका छन् ।
आइतबारबाट उनीहरुले चरणबद्ध आन्दोलन सुरु गरेका हुन् । न्यायालयमा विकृति देखिएको भन्दै सुधारको मागसहित कानुन व्यवसायीहरुले कालो पट्टी बाँधेर विरोध प्रदर्शन गरेका हुन् । तर कानुन व्यवसायीको अर्को समूहले भने सेतो पट्टी समेत बाँधेर प्रदर्शन गरेका छन् ।
नेपाल बार एशोसिएसनका अध्यक्ष चण्डेश्वर श्रेष्ठले रहरले नभएर न्यायालयको शाख जोगाउन बाध्य भएर प्रदर्शनमा उत्रिनु परेको बताएका छन् । यस्तै, एशोसिएसनकी उपाध्यक्ष रक्षा बस्यालले न्यायालयको शुद्धीकरणका लागि धर्ना तथा प्रदर्शन सुरु गरिएको बताइन् ।
प्रधानन्यायाधीश जबरा विवादित बनेपछि उनलाई राजीनामा दिएर मार्गप्रशस्त गर्न भन्दै बारले ४ दिने आन्दोलन सुरु गरेको हो ।
