काठमाण्डौं । नोबल कोरोना भाइरस (कोभिड–१९)बाट आज थप ६७२ जनामा संक्रमण पुष्टी भएको छ ।
पछिल्लो २४ घण्टामा देशको विभिन्न प्रयोगशालामा गरिएको ९ हजार ४९५ जनाको कोरोना परिक्षण गर्दा बुधबार ६७२ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ७ हजार १६७ जनाको पीसीआर गर्दा ५८२ जना र २ हजार ३२८ जनाको एन्टिजेन परिक्षण गर्दा ९० जनामा संक्रमण देखिएको हो । यो सहित कुल ९ लाख ५ हजार १८५ जनामा संक्रमण देखिएको छ ।
बुधबार नै थप ४९५ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ८९ हजार १२५ जना पुगेको छ ।
त्यस्तै गरी पछिल्लो २४ घण्टामा कोरोना संक्रमण भएका मध्ये ८ जनाले ज्यान गुमाएका छन् । यो सहित संक्रमणका कारण ज्यान गुमाउनेको संख्या ११ हजार ३८० जना पुगेको छ ।
मन्त्रालयका अनुसार देशैभर १० हजार ३७५ जना सक्रिय संक्रमित रहेका छन् ।
