फाईल तस्बिर
कैलाली । धनगढीमा प्रहरी सहायक निरीक्षक (असई) र प्रहरी जवानको हत्या गर्ने ९ जनालाई जिल्ला अदालतले जन्मकैदको फैसला भएको छ ।
अस्थायी प्रहरी पोस्ट जुगेडाका इन्चार्ज असई गोविन्द विक र प्रहरी जवान रामबहादुर साउदको हत्यामा संलग्न भएको आरोपमा पक्राउ मध्ये ९ जनालाई जिल्ला अदालत कैलालीले जन्मकैदको फैसला सुनाएको हो ।
अदालतका श्रेस्तेदार राइभान कुन्जेडाले न्यायाधीश जयानन्द पनेरुको इजलासले मंगलबार ९ जनालाई जन्मकैदको फैसला सुनाएको जानकारी दिए ।
जन्मकैदको सजाए पाउनेहरुमा धनगढी उपमहानगरपालिका १० का पंकु भनिने रोहित राना, रोहित राना, राजेन्द्र राना, चोर भनिने सुरेश राना, गब्बर भनिने राजकुमार राना, रामनिवास राना, टल्लु भनिने दलराम राना र वडा नम्बर ११ का गोपाल भनिने रामगोपाल राना र मुख्य योजनाकार धनगढी उपमहानगरपालिका १० का सुकबहादुर राना भनिने अमर राना छन् ।
हत्या आरोपमा नै पक्राउ परेका धनगढीका मटर व्यापारी राजिव गुप्ताले भने सफाइ पाएका छन् ।