काठमाण्डौं । प्रिमियर लिग टोलीहरु चेल्सी र आर्सनलले खेल जितेर इंग्लिस नकआउट प्रतियोगिता लिग कपको क्वाटरफाइनलमा प्रवेश गरेका छन् ।
गएराति भएको प्रिक्वाटरफाइनल चरणको खेलमा चेल्सीले साउथ ह्याम्प्टन माथि पेनाल्टी शुटआउटमा जित निकालेको हो । निर्धारित र अतिरिक्तसमयको खेल पनि १–१ गोलको बराबरीमा रोकिएपछि पेनाल्टी शुटआउटमा चेल्सी ४–३ गोलअन्तरले विजयी भएको थियो ।
चेल्सीका मार्कस अलोन्सो, हडसन ओडानेई, बेल चिलवेल र रीस जेम्सले गोल गरे भने मासोन माउन्टले गोल गर्न सकेनन् । साउथह्याम्प्टनका लागि थियो वाल्कट र विलियन स्मलबोनले पेनाल्टीमा गोल गर्न नसकेपछि पराजित हुनुपरेको थियो ।
यसअघि नियमित समयमा दुवैले बराबरी खेले । पहिलो हाफको अन्तिम मिनेटमा काइ हाभेट्जको गोलबाट घरेलु टोली चेल्सीले अग्रता बनाएको थियो । दोस्रो हाफ सुरु भएलगत्तै चे अडम्सले साउथह्याम्प्टनका लागि बराबरी गोल फर्काएका थिए ।