काठमाण्डौं । नोबल कोरोना भाइरस (कोभिड–१९)बाट आज थप ६६६ जनामा संक्रमण पुष्टी भएको छ ।
पछिल्लो २४ घण्टामा १२ हजार २० जनाको नमूना परीक्षणका क्रममा ६६६ जनामा संक्रमण देखिएको स्वास्थ्य तथा जनसंख्या मन्त्रालयले पुष्टि गरेको हो ।
आज संक्रमण देखिएका मध्ये ९ हजार ७७१ जनाको पीसीआर गर्दा ५६९ जना र २ हजार २४९ जनाको एन्टिजेन गर्दा ९७ जनामा संक्रमण देखिएको छ ।
त्यस्तै गरी पछिल्लो २४ घन्टामा संक्रमण भएका मध्ये थप ११ जनाले ज्यान गुमाएका छन् । योसँगै कोरोना संक्रमणका कारण ज्यान गुमाउनेको संख्या ११ हजार ३७२ पुगेको मन्त्रालयले जनाएको छ ।