ईलाम । आफ्नै श्रीमती र छोरीलाई झारफुक गर्ने बहानामा टोकेर हत्या गरेको आरोपमा १ जना पुरुषलाई प्रहरीले आज पक्राउ गरेको छ ।
झारफुक गर्ने क्रममा आफ्नै श्रीमती ३४ वर्षीया सिता तामाङ र छोरी १६ वर्षीया शिक्षा तामाङको हत्या गरेको आरोपमा देउमाई नगरपालिका बारुङ बस्ने ३३ वर्षीय कमल तामाङलाई मंगलबार बिहान प्रहरीले पक्राउ गरेको हो ।
कमलले आफ्नै घरभित्र घर परिवारका सदस्यराखी धामी बसी आफ्नै श्रीमती र छोरीको झारफुक गर्ने क्रममा घाटी तथा शरीरको बिभिन्न भागमा टोक्दा दुवै जनाको मृत्यु भएको ईलाम प्रहरीले जानकारी दिएको छ ।
हत्या आरोपी कमललाई अस्थाई प्रहरी चौकी गजुरमुखीधामबाट खटिएको प्रहरीको टोलीले पक्राउ गरेको हो । घटनाबारे थप अनुसन्धान भइरहेको १ नम्बर प्रदेश प्रहरी कार्यालय विराटनगरले जनाएको छ ।