काठमाण्डौं । नोबल कोरोना भाइरस (कोभिड–१९)बाट आज थप ७०८ जनामा संक्रमण पुष्टी भएको छ ।
देशको विभिन्न प्रयोगशालामा गरिएको ९ हजार ३७६ जनाको नमुना परिक्षणका क्रममा शुक्रबार ७०८ जनामा संक्रमण देखिएको स्वास्थ्य तथा जनसंख्या मन्त्रालयले जनाएको हो ।
आज संक्रमण देखिएका मध्ये ७ हजार २५३जनाको पीसीआर गर्दा ५७४ जना र २ हजार १२३ जनाको एन्टिजेन परिक्षण गर्दा १३४ जनामा संक्रमण देखिएको छ । यो सहित संक्रमितहरुको संख्या पीसीआर तर्फ ८ लाख ८ हजार ९६ जना र एन्टिजेन तर्फ ९३ हजार ९०५ जना पुगेको छ ।
शुक्रबार नै थप ९३२ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ८५ हजार ८१३ जना पुगेका छन् ।
त्यस्तै गरी पछिल्लो २४ घण्टामा संक्रमित मध्ये ११ जनाले ज्यान गुमाएका छन् । यो सहित संक्रमण भएका मध्ये ११ हजार ३३७ जनाले ज्यान गुमाई सकेका छन् ।
शुक्रबार सम्म देशैभर कुल १० हजार ९४६ जना सक्रिय संक्रमित रहेको पनि मन्त्रालयले जनाएको छ ।
