काठमाण्डौं । गतएको आइतबार देखी देशको विभिन्न भागमा परेको अबिरल बर्षाका कारण आएको बाढी र पहिरोमा परेर बिहीबार सम्म १०१ जनाको मृत्यु भएको छ ।
वेमौषमी बर्षाबाट आएको बाढी, पहिरो र डुबानमा परी बिहीबारसम्म १०१ जनाको मृत्यु भएको गृह मन्त्रालयले जनाएको छ ।
मृत्यु भएका मध्ये बाढी पहिरोमा परी १ नम्बर प्रदेशमा ६० जना, बागमती प्रदेशमा १ जना, कर्णाली प्रदेशमा ७ जना, लुम्बिनी प्रदेशमा २ जना र सुदूरपश्चिम प्रदेशमा ३१ जना रहेका छन् ।
त्यस्तै गरी बाढी र पहिरोका कारण १ नम्बर प्रदेशमा १९ जना, कर्णाली प्रदेशमा ४ जना र सुदूरपश्चिम प्रदेशमा १७ जना गरी जम्मा ४० जना घाइते भएका छन् । घाइतेहरूलाई उपचारको लागि स्थानीय अस्पतालमा भर्ना गरिएको छ ।
बाढी पहिरोमा परी १ नम्बर प्रदेशमा १३ जना, २ नम्बर प्रदेशमा १ जना, लुम्बिनी प्रदेशमा ३ जना, कर्णाली प्रदेशमा १ जना र सुदूरपश्चिम प्रदेशमा २३ जना गरी जम्मा ४१ जना अझै वेपत्ता भएको पनि मन्त्रालयले जानकारी दिएको छ ।
वेपत्ता सबैको नेपाल प्रहरी, शसत्र प्रहरी र नेपाली सेना तथा स्थानियले खोजी कार्य जारी राखेको छ ।
बाढीको कारण जम्मा २ हजार २३२ वटा घर डुबानमा परेको छ भने ४९ वटा घर, ८ वटा गोठ, ६ वटा पुल र ३ वटा सरकारी कार्यालयमा क्षति पुगेको छ । १३९ वटा पशु चौपायको मृत्यु भएको छ ।
उक्त अवधिमा विपद्का घटनाबाट १ हजार १७७ वटा घर परिवार विस्थापित भएको मन्त्रालयले जनाएको छ ।