काठमाण्डौं । नोबल कोरोना भाइरस (कोभिड–१९)बाट आज थप ५४५ जनामा संक्रमण पुष्टी भएको छ ।
पछिल्लो २४ घण्टामा देशको विभिन्न प्रयोगशालमा गरिएको ८ हजार ५४९ जनाको नमूना परिक्षणका क्रममा बिहीबार ५४५ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिएका मध्ये ६ हजार ५८६ जनाको पीसीआर गर्दा ४७० जना र १ हजार ९६३ जनाको एन्टिजेन परिक्षण गर्दा ७५ जनामा संक्रमण देखिएको छ । यो सहित पीसीआर तर्फ ८ लाख ७ हजार ५२२ जना र एन्टिजेन तर्फ ९३ हजार ७७१ जनामा संक्रमण देखिएको छ ।
बिहीबार नै थप ७२६ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ८४ हजार ८८१ जना पुगेका छन् ।
त्यस्तै गरी पछिल्लो २४ घण्टामा कोरोना संक्रमित मध्ये थप ८ जनाको ज्यान गएको छ । योसहित संक्रमणका कारण ज्यान गुमाउनेको संख्या ११ हजार ३२६ जना पुगेको मन्त्रालयले जनाएको छ ।
मन्त्रालयले आज जारी गरेको बुलेटीन अनुसार देशैभर ११ हजार ३१५ जना सक्रिय संक्रमित रहेका छन् ।