भक्तपुर । भक्तपुरको ठिमीबाट स्रोत नखुलेको ८० लाख सहित १ जना पुरुषलाई प्रहरीले पक्राउ गरेको छ ।
मध्यपुर ठिमी नगरपालिका १ को लोकन्थलीबाट स्रोत नखुलेको ८० लाख रूपैयाँ सहित काठमाण्डौं कोटेश्वर बस्ने बाग्लुङ गल्कोट नगरपालिका १० पाण्डवखानी घर भएका ३६ वर्षीय चित्रबहादुर पुनः मगरलाई बुधबार राति प्रहरीले पक्राउ गरेको हो ।
लोकन्थली मनहरा आँखा अस्पताल नजिक हुण्डीको कारोवार भईरहेको सूचनाको आधारमा महानगरीय प्रहरी वृत्त ठिमीबाट खटिएको प्रहरीको टोलीले मगरलाई बा. ४९ प ८५६५ नम्बरको स्कुटर र नगद ३० लाख रूपैयाँ सहित नियन्त्रणमा लिई अनुसन्धानको क्रममा उनको कोठा तलासी गर्दा थप नगद ५० लाख रूपैयाँ फेला पारेको महानगरीय प्रहरी वृत्त ठिमीले जनाएको छ ।
उनलाई आवश्यक कारवाहीको लागि सम्पत्ति शुद्धिकरण बिभाग हरिहरभवन ललितपुर पठाइएको महानगरीय प्रहरी परिसर भक्तपुरले जनाएको छ ।