साँकेतिक तस्बिर
कालिकोट । कालिकोटमा बाढीले १३० वटा भेडाबाख्रा बगाएको छ । तिला कर्णाली नदीमा आएको बाढीले भेडाबाख्रा बगाएको कालिकोट प्रहरीले जानकारी दिएको छ ।
तिलागुफा नगरपालिकाको खल्लागाडमा ३० घर परिवारले पालेका १३० वटा भेडाबाख्रा बगाएको हो । कालिकोट प्रहरीका अनुसार १७० वटा भेडाबाख्रा बगेकोमा ४० वटालाई भने जीवितै उद्धार गरिएको थियो ।
मंगलबार राति तिला कर्णाली नदीमा आएको बाढीले नदी छेउमा बास बसेका भेडाबाख्रा बगाएको प्रहरीले जनाएको छ ।
