काठमाण्डौं । नोबल कोरोना भाइरस (कोभिड–१९)का कारण आज थप १ हजार ९६ जनामा संक्रमण पुष्टी भएको छ ।
देशको विभिन्न प्रयोगशालामा गरिएको ९ हजार ९१६ जनाको नमूना परिक्षणका क्रममा मंगलबार १ हजार ९६ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
आज संक्रमण देखिएका मध्ये ८ हजार १४० जनाको पीसीआर गर्दा ९५७ जना र १ हजार ७७६ जनाको एन्टिजेन परिक्षण गर्दा १३९ जनामा संक्रमण देखिएको हो । यो संगै नेपालमा संक्रमितहरुको कुल संख्या ९ लाख ८६ जना पुगेको छ ।
मंगलबार नै थप १ हजार ४ जनाले कोरोना जित्न सफल भएका छन् । यो सहित नेपालमा कोरोना जित्नेको संख्या ७ लाख ८३ हजार ३९७ जना पुगेको छ ।
त्यस्तै गरी पछिल्लो २४ घण्टामा कोरोना संक्रमित मध्ये थप १२ जनाले ज्यान गुमाएका छन् । यो सहित कोरोना संक्रमणका कारण नेपालमा ज्यान गुमाउनेको संख्या ११ हजार ३०५ जना पुगेको मन्त्रालयले जनाएको छ ।
