काठमाण्डौ । केही दिनयता देखी देशको धेरैजसो स्थानमा वर्षा भैरहेको छ । बिहीबारदेखी भने मौषममा सुधार आउने जल तथा मौसम पूर्वानुमान महाशाखाले जनाएको छ ।
सुदूरपश्चिम र प्रदेश १ का थोरै ठाउँमा भारी वर्षा भएको र कर्णाली, लुम्बिनी, गण्डकी र वाग्मती प्रदेशमा पनि पानी परिरहेको महाशाखाले जनाएको छ ।
आज पनि देशभरको मौसम सामान्यदेखि पूर्ण बदली रहने महाशाखाले जनाएको सूचना मार्फत जानकारी गराएको छ ।
साथै देशका उच्च पहाडी तथा हिमाली भू–भागका केही ठाउँमा हल्कादेखि मध्यम हिमपातको समेत सम्भावना जनाएको छ ।
मंगलबार राति र बुधबारसम्म नै निरन्तर ठूलो पानी पर्ने र बिहीबारदेखि भने मौसममा सामान्य सुधार हुँदै जाने महाशाखाले जनाएको छ ।
गएको शनिबार रातिदेखि देशका विभिन्न ठाउँमा लगातारको वर्षाले जनजीवन प्रभावित भएको छ ।
बर्षाको कारण भने बंगालको खाडी र मध्य भारतमा रहेको न्यून चापीय प्रणाली र पश्चिमी वायुको संयुक्त प्रभाव नेपालमा परेकाले मौसम बदली तथा वर्षा भइरहेको महाशाखाले जनाएको छ ।
