एजेन्सी । भारतको केरलामा भिषण बर्षाका कारण जनजीवन प्रभावित बनेको छ भने कम्तीमा ६ जनाको मृत्यु भएको छ । बाढीका कारण केरलामा अहिलेसम्म ६ जनाको ज्यान गएको भारतीय सञ्चारमाध्यमले जनाएका छन् ।
अहिले पनि पानी परिरहेकाले नागरिकको उद्धार र राहतमा सेना तैनाथ गरिएको केरलाका रक्षा जनसम्पर्क कार्यालयले जनाएको छ ।
केरलाको इडुकी, पथनमथिट्टा, त्रिसूर र कोट्टयम बाढीका कारण सबैभन्दा धेरै प्रभावित भएका छन् ।
भारतको मौसम विज्ञान विभागले केरला, कर्नाटक, तमिलनाडू, पुडुचेरी र कराईकल लगायतका क्षेत्रमा आइतबार भिषणा बर्षा हुने भएकोले सबैलाई सचेत रहन आग्रह गरेको छ ।
अरब सागरमा बनेको पानी पार्ने प्रणालीका कारण भारतको ५ जिल्लामा रेड अलर्ट र ७ जिल्लामा ओरेन्ज अलर्ट जारी गरिएको छ ।
