मकवानपुर । जिल्लाको रातोमाटे भन्ने स्थानमा बसले मोटरसाइकललाई ठक्कर दिँदा २ जनाको मृत्यु भएको छ ।
पुर्व पश्चिम राजमार्ग अन्तरगत पर्ने हेटौंडा उपमहानगरपालिका १५ को रातमाटेमा यात्रु बाहक बसले मोटरसाइकललाई ठक्कर दिँदा मोटरसाइकलमा सवार स्थानीय २ जना युवकको मृत्यु भएको जिल्ला प्रहरी कार्यालय मकवानपुरले जनाएको छ ।
शुक्रबार राति नारायणगढबाट काँकडभिट्टा तर्फ जाँदै गरेको ना. ६ ख ७६९ नम्बरको बसले विपरीत दिशाबाट आउँदै गरेको ना. ५८ प ९९७३ नम्बरको मोटरसाइकललाई ठक्कर दिएको थियो । बसको ठक्कर मोटरसाइकलमा सवारमा हेटौंडा उपमहानगरपालिका १५ प्रनेस बस्ने १८ वर्षीय प्रकाश दियाली र ३ बस्ने २२ वर्षीय सुशान्त दियालीको मृत्यु भएको जिल्ला प्रहरी कार्यालय मकवानपुर प्रहरीले जनाएको छ ।
दुर्घटना पछि आक्रोशित स्थानीयहरुले ठक्कर दिने बसलाई तोडफोडसमेत गरेका छन् । ठक्कर दिने बस तथा चालक प्रहरीको नियन्त्रणमा लिएको प्रहरीले जनाएको छ ।
