बेरुत । लेबनानको राजधानी बेरुतमा न्यायाधीशविरुद्धको प्रदर्शनमा गोली चल्दा ७ जनाको मृत्यु भएको छ ।
शिया मुस्लिम समूह हेजबोल्लाह र आमलले न्यायाधीशविरुद्ध गरेको प्रदर्शनमा गोली चल्दा अरु ४० जना घाइते भएका छन् ।
न्यायाधीशहरुले गत वर्ष तटीय सहरमा २१९ जनाको मृत्यु हुने गरी भएको विस्फोटबारे भइरहेको अनुसन्धानलाई अगाडि बढाइरहेका छन् । शुक्रबारको प्रदर्शनमा लेबनिज फोर्सेस (एलएफ) समर्थक क्रिश्चियन बन्दुकधारीले गोली चलाएको हेजबोल्लाह र आमलले आरोप लगाएका छन् । तर, एलएफले सो आरोप अस्वीकार गरेका छन् ।
अदालत परिसरबाहिर सयौँ हेजबोल्लाह समर्थकले न्यायाधीश तारेक बितारलाई हटाउन माग गर्दै प्रदर्शन गरेका थिए । अनुसन्धानमा राजनीतिक गन्ध मिसिएको भन्दै उनीहरुले बिरोध गरेका हुन् ।
स्वचालित राइफल सहितका हतियारधारीले प्रदर्शनकारीलाई अन्धाधुन्दा गोली चलाएका थिए । घटनाका सम्वन्धमा प्रहरीले अनुसन्धान थालेको छ ।
