स्याङजा । वालिङ नगरपालिका १० मोदीखोलास्थित सडकमा ग. १ ज ४९१८ नम्बरको जिप सडकदेखि करिब ५० मिटर तल खसेर दुर्घटना हुदा ३ जनाको मृत्यु भएको छ ।
आइतबार साँझ भएको दुर्घटना परी गल्याङ नगरपालिका १० बस्ने ७७ वर्षीय दलबहादुर पल्ली सहित ३ जनाको मृत्यु भएको स्याङजा प्रहरीले जनाएको छ ।
दुर्घटनामा गम्भीर घाइते भएका दलबहादुर सहित २ जनाको प्राथमिक स्वास्थ्य केन्द्र वालिङमा र १ जनाको मणिपाल शिक्षण अस्पताल पोखरामा उपचारको क्रममा मृत्यु भएको हो ।
दुर्घटनामा घाइते भएका १५ जनामध्ये १३ जनाको मणिपाल शिक्षण अस्पताल पोखरामा उपचार भइरहेको छ भने ३ जना उपचार पछि घर फर्किएका छन् । जिप चालकलाई प्रहरीले नियन्त्रणमा लिएको छ ।
