काठमाण्डौं । साफ च्याम्पियनसिपमा नेपाल भारतसँग पराजित भएको छ ।
आइतबार माल्दिभ्समा भएको खेलमा नेपाल भारतसँग १–० ले पराजित भएको हो ।
भारतको जितमा कप्तान सुनिल क्षेत्रीले निर्णयक गोल गरेका थिए । उनले भारतका लागि ८२ औं मिनेटमा गोल गरेका थिए ।
नेपालबिरुद्धको खेलमा भारतले बल धेरैजसो आफ्नो कब्जामा राखेको थियो । भारतले सुरुवातबाटै निरन्तर एटेकिङ खेल खेल्दै आएका थिए ।
नेपालले पनि केही गोल गर्ने अवसर पाएपनि त्यसलाई सदुपयोग गर्न सकेन । जितसँगै भारतले ३ खेलमा ५ अंक बनाएको छ । योसँगै भारत अंक तालिकाको तेस्रो स्थानमा उक्लिएको छ ।
नेपालको भने ३ खेलबाट ६ अंक रहेको छ ।
नेपाल पराजित भएपनि फाइनल पुग्ने सम्भावना अझै बाँकी रहेको छ । नेपालले अर्को खेल बंगलादेशसँग खेल्नेछ ।
बंगलादेशलाई नेपालले पराजित गरे फाइनल खेल्न पाउनेछ । यदी पराजित भएको अवस्थामा भने नेपाल प्रतियोगितबाट बाहिरिनेछ ।