काठमाण्डौं । नोबल कोरोना भाइरस (कोभिड–१९)का कारण आज थप ७६० जनामा संक्रमण पुष्टी भएको छ ।
देशको विभिन्न प्रयोगशालामा गरिएको १२ हजार ३१ जनाको नमूना परिक्षणका क्रममा शनिबार ७६० जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आज संक्रमण देखिएका मध्ये ६ हजार १६८ जनाको पीसीआर गर्दा ६३६ जना र ५ हजार ८६३ जनाको एन्टिजेन परिक्षण गर्दा १२४ जनामा संक्रमण देखिएको छ । यो सहित संक्रमितहरुको संख्या पीसीआर तर्फ ८ लाख १ हजार ६३३ जना र एन्टिजेन तर्फ ९२ हजार ९६३ जना पुगेका छन् ।
शनिबार नै थप ८९९ जनाले कोरोना जित्न सफल भएका छन् । यो सहित कोरोना जित्नेको संख्या ७ लाख ७५ हजार ७२ जना पुगेको छ ।
साथै पछिल्लो २४ घण्टामा कोरोना संक्रमण भएका मध्ये ११ जनाले ज्यान गुमाएका छन् । यो सहित संक्रमणका कारण ज्यान गुमाउनेको संख्या ११ हजार २२१ जना पुगेको मन्त्रालयले जनाएको छ ।