काठमाण्डौं । नोबल कोरोना भाइरस (कोभिड–१९)बाट आज थप ८०५ जनामा संक्रमण पुष्टी भएको छ ।
पछिल्लो २४ घण्टामा देशको विभिन्न भागमा रहेको प्रयोगशालाहरुमा १० हजार ६७२ जनाको नमूना परिक्षण गर्दा बिहीबार ८०५ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
संक्रमण देखिएका मध्ये ७ हजार २६४ जनाको पीसीआर गर्दा ६६७ जना र ३ हजार ४०८ जनामा एन्टिजेन परिक्षण गर्दा १३८ जनामा संक्रमण देखिएको छ ।
यो सहित पीसीआर तर्फ ८ लाख २८२ जना र एन्टिजेन तर्फ ९२ हजार ७९० जनामा संक्रमण देखिएको छ ।
बिहीबार नै थप ९११ जनाले कोरोना जित्न सफल भएका छन् । यो सहित कोरोना जित्नेको संख्या ७ लाख ७३ हजार १४० जना पुगेका छन् ।
त्यस्तै गरी पछिल्लो २४ घण्टामा कोरोना संक्रमण भएका मध्ये ८ जनाको ज्यान गएको छ । यो सहित संक्रमणका कारण ज्यान गुमाउनेको संख्या ११ हजार २०० जना पुगेको मन्त्रालयले जनाएको छ ।
