दमौली । तनहुँका पत्रकार मदन वाग्ले उद्यमशील पुरस्काबाट पुरस्कृत भएका छन् ।
बन्दिपुर केवलकार एण्ड टुरिजमले स्थापना गरेको केबलकार उद्यमशील पत्रकारिता पुरस्कारबाट पत्रकार वाग्लेले पुरस्कृत गरेका हुन ।
पत्रकार वाग्लेलाई गण्डकी प्रदेशका अर्थमन्त्री रामजी प्रसाद बराल र कम्पनीका अध्यक्ष रामचन्द्र शर्मांले बिहीबार रु १ लाखको शेयर राशीले सम्मान गरेको हो ।
पहाडकी रानी उपनामले परिचित बन्दिपुरमा निर्माणधीन बन्दिपुर केबलकार परियोजनाको प्रचार प्रसारमा उल्लेखनीय सहयोग गरेको भन्दै कम्पनीको सातौ साधारण सभाको अवसरमा वाग्लेलाई पुरस्कृत गरिएको केबलकार प्रशासनले जनाएको छ ।
कम्पनीले बन्दिपुर केबलकार पर्यटन एवं उद्यमशील पत्रकारीता २०७६ मा स्थापना गरेको थियो ।
उक्त राशीले सम्मान गर्दा जीवनभर सम्मानित हुने व्यक्तिले सम्मान पाइरहन सक्छन भन्ने कम्पनीले बिश्वास लिएको छ ।
पुरस्कार बितरणको लागि तारानाथ उपाध्यायको संयोजकत्वमा सदस्यहरु शिवप्रसाद शर्मा र कृष्णराज अधिकारी भएको ३ सदस्यीय छनोट समिति गठन गरिएको थियो ।
समितिको सिफारिसमा द हिमालयन टाइम्सका तनहुँ संम्वाददाता र प्रार्देशिक खबर राष्टिय दैनिकका प्रधान सम्पादक वाग्लेलाई सम्मान गरिएको हो ।
